СЭРЭМЖЛҮҮЛЭГ: Гарцаар гарч явсан хоёр хүүхдийг дайрчээ
"Сонгинохайрхан дүүргийн 33 дугаар хороо, Тахилтын 4 дүгээр буудлын явган хүний гарцаар гарч байгаа хоёр хүүхдийг автомашин дайрчихлаа" гэх дуудлага, мэдээлэл өнөөдөр 12 цаг 41 минутад бүртгэгджээ.
Тээврийн цагдаагийн албаны Мөрдөн шалгах газраас хэргийн газар дээр шалгалт явуулахад, 12-13 насны хоёр эмэгтэй хүүхдийг гарцаар зам хөндлөн гарах үед Тоёота Приус маркийн тээврийн хэрэгсэл мөргөжээ. Улмаар 12 настай, эмэгтэй “Н” ослын газарт амь насаа алдаж, 13 настай, эмэгтэй “Х” нь гэмтэн ГССҮТ-д эмчлүүлж байна.
Нийслэл хотод хичээлийн шинэ жил эхэлсэн буюу 2023 оны 09 дүгээр сарын 01-нээс 21-нийг хүртэлх хугацаанд нийт 38 хүүхэд зам тээврийн осолд өртжээ. Үүнээс 26 хүүхэд явган зорчиж байгаад, 4 хүүхэд зорчигчоор, насанд хүрээгүй тээврийн хэрэгсэл жолоодсон 4, унадаг дугуйтай яваад осолд орсон 4, амь хохирсон 1 тохиолдол тус тус бүртгэгджээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.