С.Эрдэнэ: М.Тулгат АН-ын даргын суудлыг О.Цогтгэрэлтэй наймаалцах гэж оролдсон

М.Тулгат намын даргын албан тушаалаа О.Цогтгэрэлтэй наймаалцах гэж оролдсон талаар өчигдөр мэдээлсэн. Ийм зүйл үнэхээр болсон талаар өнөөдөр АН-ын дарга С.Эрдэнэ батлан хэллээ. 

Тухайлбал, АН-ын дарга нар гэгдэх О.Цогтгэрэл, М.Тулгат нар "Бид хоёрын нэгийг нь АН-ын даргаар бүртгэж өгнө үү. Аль нь ч сонгогдсон гомдол, санал гаргахгүй" гэх утга агуулгатай албан бичигт хоёул гарын үсэг зуран, УДШ-д өргөн барьсан нь илчлэгджээ. 

Ардчилсан намын Үндсэн дүрмэнд ийм заалт байхгүй тул дүрэм зөрчсөн гэдэг үндэслэлээр М.Тулгатыг АН-ын даргаар бүртгэж өгөхийг хүссэн хүсэлтээ С.Эрдэнэ буцаан татсан байна. "Үндсэн дүрмийн хороо удахгүй хуралдана. М.Тулгатын энэхүү үйлдэл үндсэн дүрэм зөрчөөгүй бол УДШ-д эргэн барина. Хэрэв зөрчсөн бол хариуцлага тооцно" гэв. 

Тодорхой хэлбэл, С.Эрдэнийг давсан М.Тулгатын хувь шийдвэр УДШ-д хүрсэн нь нэгэнт тодорхой болсон учир тэрээр хариуцлага хүлээж таарах ба АН-ын дарга болох нь ийнхүү талаар болж байгаа бололтой.