Энэтхэгийн АстраЗенекатай хамтран үйлдвэрлэсэн Ковишиелд коронавирусийн эсрэг вакциныг хөрш болон холбоотон улс орнууд руугаа ойрын хугацаанд илгээхээр шийдвэрлэсэн. Эдгээр улс орнуудын дунд Монгол улс багтаж байна.

Өнгөрсөн амралтын өдрүүдэд Энэтхэг улс Оман руу 1 лах буюу 100,000 тун вакцин илгээсэн бол энэ долоо хоногт Афганистан руу 500,000 тун Ковишиелд вакцин илгээхээр төлөвлөжээ.

Үүнээс гадна ойрын хугацаанд Монгол руу 150,000 тун коронавирусийн вакцин илгээхээр жагсаалтанд багтаасан байна. Тус улс Монгол руу нийт нэг сая тунг илгээхээр болсноос эхний ээлжинд ийнхүү 150,000 тунг ойрын долоо хоногуудад илгээнэ гэж Times of India мэдээлжээ.

Монголоос гадна Никарагуа улс руу 200,000, Барбадос руу 100,000, Доминикан руу 70,000 тун вакцин илгээх ажлыг Энэтхэгийн Засгийн газар зохион байгуулж байна.

Эх сурвалж: Times of India  

---