Засгийн газрын XII байранд хөл хорио тогтоожээ
Төрийн ордонд ирсэн иргэнээс түргэвчилсэн оношлуураар шинжилгээ авахад эерэг гарсан талаар мэдээлсэн. Тэгвэл тус иргэн нь Мэргэжлийн хяналтын ерөнхий газар /МХЕГ/-ын ажилтан байжээ. Тиймээс МХЕГ болон Барилга хот байгуулалтын яаманд хөл хорио тогтоогоод байна. Уг хоёр байгууллага нь нэг байранд байрладаг тул ийнхүү хөл хорио тогтоожээ.
Тухайн иргэний PCR шинжилгээнийх нь хариу гартал дээрх газарт хөл хорио үргэлжлэх юм. Тухайн иргэн Баянгол дүүргийн зургадугаар хорооны оршин суугч гэх албан бус мэдээлэл байна.
МХЕГ-ын Олон нийттэй харилцах мэргэжилтэн Т.Балжиннямаас нөхцөл байдлыг 15:08 цагт тодруулахад "Манай ажилтны шинжилгээний хариу сөрөг гарсан. Иймд Засгийн газрын 12 дугаар байранд тогтоосон хөл хориог буулгасан. Гэхдээ бүх нийтийн бэлэн байдлын зэрэгт ажиллаж байгаа тул олон нийтэд үйлчлэхгүй зөвхөн албан бичиг хүлээн авч байгаа" хэмээн дурдлаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.