LIVE: БЗД-ийн эмнэлэгт шинээр 13 тохиолдол нэмэгдэж нийт 75 хүн халдварлаад байна

Улсын хэмжээнд 1006 батлагдсан тохиолдол бүртгэгдлээ

Улсын хэмжээнд ХӨСҮТ-ийн вирус судлалын гурван лаборатори, ЗӨСҮТ-ийн нян судлалын төв лаборатори, явуулын 2 авто лаборатори болон Сэлэнгэ, Дархан-Уул, Дорнод, Орхон аймгийн салбар лабораторид өчигдөр буюу энэ сарын 21-нд нийт 12357 хүнд хийсэн PCR шинжилгээгээр 13 хүнд коронавирус илэрчээ.

ХӨСҮТ-ийн Тандалт, судалгааны албаны дарга А.Амбасэлмаа: БЗД-ийн эмнэлгийн голомтоос 13 тохиолдол илэрсэн. Тодруулбал, эмнэлгийн ажилтан 2, сахиур 2, өвчтөн 4, гэр бүлийн хавьтал 5 хүнд халдвар илрээд байна.  

Монгол Улсад коронавируст халдварын тоо 1006 болж, үүнээс 541 хүн эдгэрсэн байна. Сүүлийн 24 цагт Дархан-Уул аймаг, Орхон, Говьсүмбэр, Архангай аймагт коронавирусний халдвар шинээр бүртгэгдээгүй байгаа аж.

Эмчилгээнд байгаа хүмүүсээс

• Хөнгөн-420
• Хүндэвтэр-29
• Хүнд-6
• Маш хүнд-1 хүн байгаа юм” хэмээлээ.

Бүртгэгдсэн халдварыг дүүргээр ангилвал

• Баянзүрх дүүрэгт 90
• Баянгол дүүрэгт 39
• Сүхбаатар дүүрэгт 27
• Сонгинохайрхан дүүрэгт 24
• Хан-Уул дүүрэгт 23
• Налайх дүүрэгт 1
• Багануур дүүрэгт 1 тохиолдол тус тус бүртгэгдээд байна.