Танилц: ААН-үүд qr.119.mn ашиглан хэрхэн QR код авах вэ

Иргэн, ААН, байгууллагуудыг халдвараас урьдчилан сэргийлэх, шуурхай мэдээлэл өгөх цахим хяналтын системийг Улсын Онцгой комиссоос нэвтрүүлээд байна. 

• ААН байгууллагууд qr.119.mn сайтад нэвтэрч, QR код үүсгэн, үүдэндээ байршуулна.
• Иргэд Ebarimt аппликейшнээр орж, ААН, байгууллагуудын үүдэнд байршуулсан QR кодыг уншуулж нэвтэрнэ.

ААН-үүд QR авахдаа:

• qr.119.mn хаяг руу нэвтэрч орно.
• Байгууллагын нэр, утас зэрэг шаардлагатай мэдээллийг оруулж, QR код үүсгэх товчийг дарж, кодоо авна.
• Гарч ирсэн QR кодыг байгууллагынхаа үүдэнд наана.

QR код иргэд хэрхэн уншуулах вэ?

• EBarimt апп-руу ороход дотор нэвтрэх хэсгийн өмнөх цонхонд COVID-19 гэсэн цэс харагдана./Хэрэв COVID-19 цэс харагдахгүй бол appstore, playstore руугаа орж, Ebarimt апп-аа шинэчлэхийг анхаарна уу/
• COVID-19 рүү орвол QR код уншуулах хэсэг гарч ирэхэд тухайн ААН-ийн QR кодыг уншуулна. 
• Ийнхүү QR кодыг уншуулснаар тухайн байгууллагад коронавирусийн халдвар гарсан эсэх мэдээлэл утсанд тань очиж, халдвараас сэргийлэх боломж бүрдэх юм.