“Түмэн тэмээ”-ний баяр
Увс аймгийн Завхан сум нь 1973, 1989 онуудад “Түмэн тэмээ”-ний баяраа тэмдэглэн өнгөрүүлж байсан түүхтэй. 1989 оноос хойш 30 жилийн дараа буюу 2019 онд гурав дахь удаагаа тэмээн сүргээ түмд хүргэсэн бахдам амжилтаар “Түмэн тэмээ”-ний баяраа өнгөрсөн лхагва гарагт тэмдэглэж өнгөрүүллээ.
Энэ түүхэн үйл явдлыг угтаж “Сум сурталчлах өдөр”-ийг 11 дүгээр сарын 7-ны өдөр Улаангом хотод зохион байгуулсан арга хэмжээнд 30 гаруй жинчид, 130-аад тэмээ бүхий жингийн цуваа Улаангомыг зорин ирж оролцжээ.
Увс аймгийн Завхан сум нь 1925 онд үүсгэн байгуулагдсан 93-н жилийн түүхтэй, говь, хээрийн бүсэд оршдог. Завхан, Хүнгүй голууд, Зогсоо, Гилбэн уулс, Айраг, Хяргас нуурын үзэсгэлэн цогцолсон Дөрвөд, Сартуул ястны өлгий нутаг юм. Завхан сум нь 150 мянган толгой малтай, 2000 гаруй хүн амтай, Увс аймагтаа төдийгүй баруун бүс нутагтаа тэмээн сүргээрээ тэргүүлдэг байна.
Завхан сумаас
Монгол Улсын Хөдөлмөрийн баатар-1
Монгол Улсын Гавъяат цолтон-21
Эрдэмтэн, доктор-16
Улсын аварга малчин-9
Ахмад дайчин-27 тус тус төрөн гарсан түүхэн гавъяатай ард түмний өлгий нутаг юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.