“Алтан намар”-ын хойморт "Сар анх мандсан нутаг” залрав

Засгийн газрын хэрэгжүүлэгч агентлаг Соёл урлагийн газар, Монголын хөгжмийн зохиолчдын холбоо хамтран 10 сарын 20-нд хөгжмийн том хэлбэрийн шилдэг бүтээл шалгаруулах “Алтан намар-2018” хөгжмийн наадмыг Улсын филармонийн концертын танхимд зохион байгуулав. Тус наадамд 17 хөгжмийн зохиолчийн 19 бүтээл тоглогдсон байна.Энэхүү наадмын шилдгийн шилдэг бүтээлүүдийн “Нэгдсэн концерт”, “Улсын санд худалдан авсан бүтээлийн хөгжмийн зохиолчдод шагнал гардуулах ёслолын ажиллагаа” 10 дугаар сарын 30-нд Улсын дуурь бүжгийн эрдмийн театрт болжээ. 

Энэ жилийн хөгжмийн наадмын тэргүүн дээд шагналыг Ховд аймгийн харьяат, хѳгжмийн зохиолч Б.Хүрэлбаатарын хѳѳмий, симфони найрал хѳгжимд зориулан бүтээсэн "Сар анх мандсан нутаг" чуулбар бүтээл хүртсэн байна. Энэхүү уран бүтээлийг аймгийн хөгжимт драмын театрын хөөмийч Х.Ганзориг болон нутгийн уран бүтээлчид хамтран үзэгчдэд толилуулсан аж.