“Д” зэрэглэлийн волейболын тэмцээнд та ч оролцож болно

Волейболын Залуучуудын Холбооноос анх удаа санаачлан Д зэрэглэлийн буюу мэргэжлийн бус тоглогчдын дундах тэмцээнийг 2014 оноос хойш амжилттай зохион байгуулж буй. Энэ жилийн тоглолтыг МЖ спорт төвийн зааланд энэ сарын 25-28-нд эрэгтэйчүүдийн төрөл, 11 сарын 1-4-нд эмэгтэйчүүдийн төрөлд тус тус зохион байгуулахаар боллоо. 

Өмнө нь Д зэрэглэлийн тэмцээн амралтын өдрүүдэд цөөн тоогоор олон баг оролцуулдаг байсан бол энэ удаа шаардлага хангасан 24 багийн дунд дөрвөн өдөр тэмцээн зохион байгуулах гэнэ. Түрүүлсэн баг 1 сая төгрөгөөр шагнуулж, супер цомын эзэн болно. Тус тэмцээнд Шилдэг хаагч, Захын хаагч, Голын хаагч, мөн Шилдэг Захын довтлогч, Шилдэг Нам хагасын довтлогч, Шилдэг арын бүсийн довтлогч гэж шилдэг тоглогчдын номинацийг нэмэхээр болсон байна. 

Эрэгтэйчүүд, эмэгтэйчүүдээс тус тус 12 номинаци шалгаруулах энэ тэмцээний хамгийн сонирхолтой нь "LEVEL-1" Play Off , "LEVEL-2" Play Off  гэсэн хэсгийн өрсөлдөөний системээр зохион байгуулж LEVEL тус бүрт I, II, III, IV байрт шалгарсан эздийг тодруулах юм. Тэмцээнд ОУХМ цолтой тамирчид болон 35 наснаас доош насны Спортын Мастер цолтой тамирчид оролцохгүй аж.