Монголын хүнсчид Ираны Тегеранд зочилно
Дэлхийн хүнсний өдрийг жил бүрийн аравдугаар сарын 16-ны өдөр тэмдэглэн өнгөрүүлдэг уламжлалтай. Энэ жил НҮБ-ын Хүнс, хөдөө аж ахуйн байгууллагатай хамтран эрдэм шинжилгээний бага хурал хийн, эссэ бичлэгийн уралдаан зарлаж, хүнсний үзэсгэлэн худалдааг Сүхбаатарын талбайд зохион байгуулах юм байна. Үзэсгэлэн худалдаа сарын 3х3 хэмжээтэй павилион (асар)-д үнэгүй байрлах аж. Мөн үзэсгэлэнгийн үеэр бүтээгдэхүүний амталгаа хийлгэх, урамшуулалт худалдаа хийх, хөгжөөнт тоглоом явуулах, НЗДТГ-ын дэлгэц дээр байгууллагын шторк явуулах зэргээр сурталчилгаа хийх боломжтой. Оролцох байгууллагын тоо хязгаартай тул эссэ бичлэгийг Тmfia_ngo@yahoo.com хаягаар авах аж.
Дашрамд сонирхуулахад мах, махан бүтээгдэхүүний MeatEx олон улсын үзэсгэлэн энэ оны 11 сарын 12-15-нд Иран улсын Тегераны олон улсын үзэсгэлэнгийн төвд гурав дахь удаагаа зохион байгуулагдах гэж байна. Мах, махан бүтээгдэхүүний экспортын сувгийг нээх, гишүүн байгууллагын бизнесийн хүрээг тэлэх зорилгоор Хүнсчдийн холбоо Messe Frankfurt-ын Монгол дахь суурин төлөөлөгчийн газартай хамтран тус үзэсгэлэнд гишүүн байгууллагуудаа оролцуулахаар төлөвлөн ажиллаж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.