Аргентина улсын Буэнос Аэрос хотод Залуучуудын зуны олимпын III наадам энэ сарын 06-18-нд болно. Наадамд оролцох U18 насны шигшээ багийн тамирчид Хандгайт дахь Олимп баазад үндэсний шигшээ багуудын ерөнхий дасгалжуулагч С.Тулга болон Улаанбаатар Гаруда үндэсний шигшээ багийнхантай хамт бэлтгэлээ хийжээ.

Олимпийн наадмыг зорихын өмнө ОУХМ Г.Баттөр тамирчдадаа эх орноо төлөөлөн олон улсын тэмцээнд оролцоход бие, сэтгэлзүйгээ хэрхэн бэлдэж, яаж тоглохоос авахуулаад өөрийн туршлагаас хуваалцан зөвлөгөө өгсөн байна.

Дэлхийн 206 улсын 4600 гаруй тамирчин 32 спортын төрлөөр 241 багц медалийн төлөө хурд хүч, авхаалж самбаагаа сорин өрсөлдөх энэ наадамд Монгол улсын баг спортын 6 төрөлд 11 тамирчин, 9 дасгалжуулагч албаны хүмүүсийн бүрэлдэхүүнтэй оролцох юм. "Буэнос-Айрес-2018" Залуучуудын олимпийн наадмын монголын тамирчдын багийн ахлагчаар МҮОХ-ны гүйцэтгэх зөвлөлийн гишүүн Ч.Амарсанаа ажиллана.

Дашрамд нэгэн таатай мэдээ дуулгахад олимпийн төрлийн багийн спортын ДАШТ манай улсад анх удаа зохион байгуулагдах гэнэ.

Дашрамд нэгэн таатай мэдээ дуулгахад олимпийн төрлийн багийн спортын ДАШТ манай улсад анх удаа зохион байгуулагдах гэнэ. "World basketball summit" дэлхийн сагсан бөмбөгийн дээд хэмжээний хурлын үеэр Монголын 3х3 сагсан бөмбөгийн холбооны ерөнхийлөгч Л.Мягмаржав U18 насны ДАШТ-ийг эх орондоо зохион байгуулах гэрээг Олон Улсын Сагсан Бөмбөгийн холбооны ерөнхийлөгч Патрик Бауманн, FIBA 3x3 хариуцсан менежер Алекс Санчес нартай байгуулжээ.

Сүүлийн жилүүдэд манай улс ФИБА 3х3-н томоохон тэмцээнүүдийг өндөр түвшинд зохион байгуулсан учраас өндрөөр үнэлж ДАШТ-ий эрхийг өгсөн. Монголчууд Улаанбаатар хотдоо дэлхийн сагсан бөмбөгийн ирээдүй болсон шилдэг багуудын тоглолыг үзэх нь ээ.

---