Сонирхогчдын боксын Ази тивийн аварга шалгаруулах тэмцээний гурав дахь өдөр буюу өнөөдөр манай дөрвөн боксчин медалийн төлөө тулалдана.   

Арабын Нэгдсэн Эмират улсын Дубай хотноо зохион байгуулагдаж буй Ази тивийн аварга шалгаруулах тэмцээнд манай улсаас 13 шилдэг ширэн бээлийтэн тулалдаж байгаа ба манай баг, бүрэлдэхүүний мэдээллийг ЭНД дарж үзнэ үү.

Тэмцээний эхний өдөр манай улсаас эрэгтэйчүүдийн -49кг жинд О.Өнөболд, -52кг жинд Х.Энхмандах, -75кг жинд О.Бямба-Эрдэнэ нар тулалдан бүгд өрсөлдөгчдөө илүүрхэн ялсан билээ. Монгол боксчдын тулааныг бүрэн эхээр нь ЭНД дарж үзнэ үү. 

Тэмцээний хоёр дахь өдөр манай улсаас долоон боксчин медалийн төлөө тулалдаж дөрвөн боксчин хүрэл медалийн болзол хангасан. Медалийн болзол хангасан монгол тулаанчдын бичлэгийг ЭНД дарж үзнэ үү. 

Өнөөдөр /тавдугаар сарын 26/ орой Улаанбаатарын цагаар 22:00 цагт Э.Цэндбаатар тэргүүтэй манай дөрвөн боксчин медалийн төлөө тулалдах хуваарьтай байна. 

• Эрэгтэйчүүдийн -52кг жинд Х.Энхмандах тус жинг тэргүүлэн тулалдаж буй дэлхийн аваргын мөнгө, Азийн наадмын аварга Энэтхэгийн Амиттэй тулалдана. /эхний тулаан/
• Эрэгтэйчүүдийн -60кг жинг тэргүүлэн тулалдаж буй Э.Цэндбаатар Киргизстаны боксчинтой тулалдана. /тав дахь тулаан/
• Эрэгтэйчүүдийн -69кг жинд Б.Мишээлт Афганистаны боксчинтой тулалдана. /11 дэх тулаан/
• Эрэгтэйчүүдийн -75кг жинд О.Бямба-Эрдэнэ тус жинг тэргүүлэн тулалдаж буй дэлхийн аваргын мөнгө, зүүн өмнөд Азийн аварга Филиппиний боксчин Эумир Феликс Марсиалтай тулалдана. /12 дахь тулаан/

Спорт мэдээ, мэдээллийн www.livetv.mn/sport суваг уламжлал ёсоор 10 хоногийн турш сонирхогчдын боксын Ази тивийн аварга шалгаруулах тэмцээнийг шууд дамжуулан үзүүлэхээс гадна тэмцээний мэдээ, мэдээллийг шуурхай хүргэн ажиллана.