Гадаадын иргэдийн дунд бэсрэг наадам зохион байгуулна

Их Монгол Улс байгуулагдсаны 813, Ардын хувьсгалын 98 жилийн ой, Үндэсний их баяр наадмыг угтан “MNB WORLD” суваг, нийслэлийн Аялал жуулчлалын газартай хамтран “AIM, WRESTLE, RACE” бэсрэг наадмыг гадаадын иргэдийн дунд анх удаа зохион байгуулахаар болжээ. Тус наадам нь эрийн гурван наадмын үүх түүх, ёс заншил, дэг жаягийг гадаадын иргэд, жуулчдад сурталчлан нүүдэлчин ард түмний соёлтой танилцуулах зорилготой аж. Наадмын үеэр гадаад оролцогчид бөх барилдаж, морь уралдуулж, нум сум харван наадамлаж хотол олныг баясгана. Мөн гадаад эрэгтэй оролцогчдын дунд сээр цохих тэмцээн, хүүхдүүдийн дунд модон морины уралдаан болно. Бэсрэг наадам энэ сарын 29-нд “Монгол Номадик” цогцолборт эхлэх гэнэ.