LIVE: Э.Мөнх-Очир: Хар тамхи тээвэрлэж байсан хоёр төлөөлөгч надтай эхэлж холбогдсон нь үнэн

БНТУ-ын Истанбул хот дахь Ерөнхий консулын газарт Ерөнхий консулаар ажиллаж байсан Э.Мөнх-Очиртой хар тамхи тээвэрлэж яваад ХБНГУ-д саатуулагдаад байгаа хоёр дипломатчийн талаар ярилцлаа. Тэрбээр 2012 онд Ерөнхий консулаар томилогдож очоод энэ хавар буюу дөрөвдүгээр сарын 03-нд өөрийн хүсэлтээр албан үүргээсээ чөлөөлөгдөж эх орондоо ирсэн байжээ. Уг хэрэг тавдугаар сард гарсан билээ

Э.Мөнх-Очир "Хэрэгт холбогдоод байгаа Б.Баттүшиг бол ажил үүргээ сайн гүйцэтгэж байсан хүн. Наймдугаар сарын 1-нд томилогдсон. Есдүгээр сард ирсэн" гэлээ.

-С.Эрдэнэбаяр таны жолооч байсан уу?

-Энд байгаа яам, тамгын газрын дарга нарын жолооч гэсэн ойлголт консулын газарт байдаггүй юм. Аж ахуйн эрхлэгчээр томилогдож ирдэг. ЕКГ-т жолооч гэж байдаггүй юмаа. Аж ахуйн эхлэгч гэж ирсэн. Хааяа жолоо барих юм байна. Би тэргээ өөрөө барьдаг байсан

-ДК дугаартай хувийн тэргээрээ явж байсан гэсэн? 

-Дипломат төлөөлөгчийн газрын бүх ажилтнууд тухайн улсын ДК дугаар авч болдог. 

-Таны орны хүнийг яагаад томилохгүй удав? 

-Тэрийг би мэдэхгүй шд. Гадаад яамнаас асуу. Би дөрөвдүгээр сарын 3-нд дуудагдаж ирсэн. 

-Энэ хоёр хүн хар тамхины сүлжээнд орсон байсан уу? 

-Би тэрийг мэдэхгүй шд. Та нар кино сайн үзсэн байх. Та нараас нэг юм хүсье. Хэрэг нь шалгагдаж байна. Таамаг хэрэггүй. Ар гэрт нь хэцүү байгаа. Шалгагддаг журмаараа шалгагдаад явах байх. 

-Германд саатуулагдангуутаа тань руу хамгийн түрүүнд ярьсан гэж үнэн үү? 

-Үнэн. Би энд байсан. Бид нар Германд саатуулагдлаа гэсэн. Би Германд байдаг Элчин сайд Ганбат руу ярьж, анхаарал хандуулаарай гэж хэлсэн.