LIVE: ДМНН-ын залуус алга болсон эсэх талаар мэдээлэл хийж байна
"Дэлхийн монгол ногоон нэгдэл" ТББ-ын гишүүд Хөвсгөл аймагт явж байгаад алга болж, машиныг нь голоос татаж гаргасан талаар мэдээлэл гараад байсан юм. Тэгвэл энэ асуудалтай холбоотойгоор ДМНН-ийнхэн мэдээлэл хийлээ.
Тэдний хэлж буйгаар, 6-р сарын 4-нд тус ТББ-ын гурван хүн Сэлэнгэ аймгийн Eрөө суманд ажиллаж байхдаа Eрөө голд живжээ. Улмаар Сэлэнгэ аймгийн онцгой байдлын ажилтан ирж тэднийг аварсан гэнэ.
Харин тэднийг Сэлэнгэ аймагт ажиллаж байхдаа Бугантаас 13км зайд Монгол, Хятадын хамтарсан Дуламханд гэх захиралтай уурхай хууль зөрчин ажиллаж байгааг баримтжуулж авчээ. Тус уурхай Eрөө голын цутгал Угтаал голын гольдирол дотор ажиллаж, мод бургасыг хядаж байсан бөгөөд 3 эксковатор, нэг ковш, усан буу зэрэгтэй ажиллаж байжээ. Тус уурхайд зургаан хятад хүн ажиллаж, байгаль сүйтгэж байсныг баримтжуулж цагдаагийн байгууллагад хүлээлгэж өгчээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.