Ерөнхий сайд У.Хүрэлсүх Эрүүл мэндийн сайдыг ажлаа өгөхийг шаарджээ
Сүүлийн өдрүүдэд хот, хөдөөгийн ерөнхий боловсролын сургуулийн сурагчдын дунд сүрьеэ өвчин дэгдэж, өнөөдрийн байдлаар 800 гаруй хүүхэд уг өвчнөөр эмчлүүлж буй. Энэ асуудалтай холбоотойгоор Эрүүл мэндийн сайд Д.Сарангэрэлийг огцруулахыг сөрөг хүчний зүгээс хөндөж, тус яамны гадна өдөр бүр жагсаал хийж буй.
Харин энэ асуудлаар Ерөнхий сайд У.Хүрэлсүх Эрүүл мэндийн сайд Д.Сарангэрэлтэй уулзаж, “Нийгэмд үүсээд буй сөрөг мэдээллийг намжааж, асуудлаа хурдан дуусгахгүй бол сайдын суудлаа өг. Би хамгаалахгүй шүү” түүнийг шахсан талаар Төрийн ордонд яригдаж эхэллээ.
Мөн “Монголын өрхийн анагаах ухааны мэргэжилтнүүдийн холбоо”-ны гүйцэтгэх захирал Ш.Хажидмаа хэмээх бүсгүй сүрьеэ өвчин дэгдэж байгааг илрүүлсэн бөгөөд тус холбооноос төв талбай дээр суулт зарлахаар төлөвлөжээ. Харин Ерөнхий сайдынхаа шахалтад орсон Эрүүл мэндийн сайд Д.Сарангэрэл иргэдэд сөрөг мэдээлэл өгч буй асуудлаа намжаахын тулд тус холбоотой хамтарч ажиллахаар болсон гэнэ.
Эх сурвалж: "Ардчилал таймс" сонин
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.