БНЧУ-ын Ерөнхий сайдыг огцрохыг шаардаж 120,000 иргэн жагсав
БНЧУ-д Ерөнхий сайд Андрей Бабишийг огцрохыг шаардаж нийслэл Праг хотод 120,000 иргэн жагсаалд нэгдэв. Энэ нь 1989 онд коммунизм нуран унаснаас хойш улс төрийн шинж чанартай хамгийн том жагсаалд тооцогдож байна.
Бараг км орчим үргэлжилсэн жагсаалд оролцогчид Чех орон болоод Европын холбооны туг далбааг барин жагссан байна. Тэд “Европын Холбооны сангийн мөнгийг гувчуулан ашигласан Ерөнхий сайд огцор” хэмээн уриалжээ.
Жагсаалд оролцож буй иргэн Кутна Хора нийслэл хотоос 100 км зайд байдаг жижиг тосгоноос ирсэн байна. Түүний ярьснаар “ерөнхий сайд бол мафийн толгойлогчтой адил манай улсад байсан хамгийн муу улс төрч. Тэр биднийг коммунист тогтолцоо рүү эргэн түлхсэн” хэмээн буруутгажээ.
Мягмар гарагт болсон жагсаал өнгөрсөн зургаан долоо хоногийн хугацаанд Праг хотод болж буй тав дахь жагсаал юм. Чех улсын хоёр дахь чинээлэг эрхэм Бабиш жагсаал цуглааныг улс орныг тогтворгүйтүүлсэн зохисгүй үйлдэл хэмээн байр сууриа хамгаалжээ. Энэ жил 64 настай Засгийн газрын тэргүүн 2017 онд сонгогдсон ба “хэзээ ч бууж өгч огцрохгүй” гэсэн байна.
Түүнийг эсэргүүцэгчид энэ сарын 23-ны өдөр дахин өргөн хүрээг хамарсан жагсаал зохион байгуулахаар төлөвлөжээ.
Эх сурвалж: www.theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.