Трами хар салхи Японы нутаг дэвсгэрт шуурч эхлэв

Япон улсын төв болон баруун нутгийг дайран өнгөрч байгаа Трами нь 25 жилийн хугацаанд тус улсад тохиогоогүй хүчтэй далай шуурга гэж цаг уур судлаачид мэдээлж байна. Японы NHK төв телевизийн дамжуулснаар 19 мужийн 3,7 сая иргэнийг нүүлгэн шилжүүлэхээр болжээ. Далайн шуурга Хоншу арлыг чиглэж байна. Нийслэл Токио хот далайн хар салхинд өртөхөөргүй байгаа ч хүчтэй салхи шуурч, бороо орж байгаа тухай мэдээллээ.

Олон зуун нислэг, газрын тээвэр саатаад байгаагийн ихэнх нь орон нутгийн үйлчилгээ байна. Албаны хүмүүс иргэдийг гэрээсээ гарахгүй байхыг анхаарууллаа. Орон нутгийн цагаар ням гаригийн орой 20 цагийн үед Осакагийн орчимд хөрсний гулсалт үүсчээ. Хар салхины улмаас 84 хүн бэртэж, 750,000 айл гэрэл цахилгаангүй болсон. Есдүгээр сарын эхэнд Жеби далайн шуурга Японд нүүрлэж 7 хүн амиа алдсан юм.

Эх сурвалж: www.bbc.com, www.express.co.uk