LIVE: Ид шидийн орны хүүхдүүд баяраа тэмдэглэж байна

Хотын захын дүүргүүдэд амьдардаг хүүхдүүдэд зориулан өнөөдөр "Чихрээс үнэтэй дурсамж" өдөрлөгийг Пизза хат брэнд "Лантуун дохио" ТББ-тай хамтран Баянхошууд байрлах "Ид шидийн орон 1" төвд зохион байгууллаа. 

Алслагдсан дүүрэгт амьдардаг хүүхдүүд олон нийтийн баярт оролцох боломж багатай байдаг тул тэднийг баярлуулж, хамгийн гоё дурсамж үлдээх зорилгоор олон сонирхолтой арга хэмжээг хүүхэд, багачуудад зориулан бэлдсэн байв.

Уг өдөрлөгт хүрэлцэн ирсэн хүүхдүүдэд халуун пизза, зайрмагаар үнэгүй дайлахаас гадна найман өртөөгөөр аялсан хүүхдүүдэд гарын бэлэг өгч байсан юм. 

"Лантуун дохио" ТББ-ын тэргүүн Ч.Ганжавхлан "Манай арга хэмжээ маань хоёр дахь жилдээ амжилттай болж байна. Толгойт, Их наран, Орбит, Таван шар болон энэ хавийн хүүхдүүд маань гоё хувцаснуудаа өмсөн өглөөнөөс хойш ирж байна. Хүүхдийн баяраар маш олон бэлэг тараагаад өнгөрөх биш хүүхэд насандаа мартахааргүй дурсамжийг бэлэглэх уриатайгаар явуулж байгаа" хэмээн дурдсан юм.