Хоккей ДАШТ: Канадчууд АНУ-ыг хожиж хариугаа авлаа
Шайбтай хоккейн дэлхийн аварга шалгаруулах тэмцээний хэсгийн тоглолтууд урьд шөнө явагдаж дууслаа. Хэсгийн сүүлийн тоглолтууд болох Канад - АНУ, Швед - ОХУ гэсэн дэлхийн шилдгүүдийн дуэл урьд шөнө явагдаж хоккей сонирхогчдыг "нойргүй хонуулав".
Урьд шөнийн тоглолтын үр дүнгээр хэсгийн байрлал өөрчлөгдөж хасагдах шатанд хэсэг тус бүрийн эхний дөрвөн баг шалгарлаа.
Манай сайт уламжлал ёсоор дээрх хоёр тоглолтыг бүрэн эхээр нь толилуулна. Эхлээд Канад болон АНУ-ын шигшээ багуудын тоглолтыг үзүүлж байна. Хоккейн спортын тэргүүлэгч хоёр багийн тоглолт олны анхааралд байсан нь дамжиггүй. Өнгөрсөн оны дэлхийн аваргаар Канадчууд АНУ-ын багт 5:4 харьцаагаар хожигдон хасагдах шатанд ОХУ-тай таарч байлаа. Харин урьд шөнө Канадчууд энэ удаагийн дэлхийн аварга дахь хамгийн шилдэг тоглолтоо үзүүлэн Америкчуудаас хариугаа авлаа. Хэрэв тэд хожигдвол хасагдах шатанд ОХУ-ын хүчирхэг багтай тоглох байлаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.