Увсын Улаангом суманд орох, гарах бүх хөдөлгөөнийг хязгаарлалаа
Баян-Өлгий аймгийн Ногооннуур сумын Цагааннуур тосгонд тарваган тахал гарч, гэр бүлийн хоёр хүн нас барсан хэрэг гарсан. Энэ амралтын өдрүүдэд Баян-Өлгий аймагтай хөрш зэргэлдээ Увс аймагт тарваган тахлын сэжигтэй тохиолдолд бүртгэгдсэн байна.
Тодруулбал, Увс аймгийн Түргэн сумын Рашаант багт тарваган тахлын сэжигтэй тохиолдол бүртгэгдэж, хамтарсан мэргэжлийн баг голомтын судалгаа хийж, хариу арга хэмжээ зохион байгуулахаар онцгой комиссын томилгоот бүрэлдэхүүн өчигдөр хөдөлжээ. Одоогоор Увс аймгийн нэгдсэн эмнэлгийн халдвартын тасагт өвчтөнийг тусгаарлаж, эмчилгээг эхлүүлсэн бөгөөд тус аймгийн онцгой комисс хуралдаж, Улаангом сумын хэмжээнд хорио цээрийн дэглэм тогтоож, гарах орох бүх хөдөлгөөнийг хязгаарлажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.