Австрали: Гурван нүдтэй могой олдов
Австралийн умард нутгаас гурван нүдтэй могой олдсон байна. Умард нутгийн цэцэрлэгт хүрээлэн, зэрлэг ан амьтдыг хамгаалах газраас онцгой сонин тохиолдлоор олдсон гурван нүдтэй могойн зургийг олон нийтийн цахим сүлжээнд байршуулжээ.
Уг могойг Монти гэж нэрлэсэн ба зулзган могой олдсоноосоо хойш хэдхэн долоо хоногийн дараа үхсэн гэжээ. Шинжээчид могойн гурав дахь нүд толгойн голд байрласан нь байгалийн мутацид орсноос үүдэлтэй гэж үзсэн байна.
40 см орчим урттай могой байгалиас заяасан өвөрмөц тогтцоос болж хоол тэжээл идэхдээ хүндрэлтэй байжээ. Могойн толгой хэсгийг рентгенд харахад хоёр толгойтой байх үндэслэлгүй, нэг гавлын яснаас гурван нүд салаалсан байсан гэж тайлбарлажээ.
Күйнслэндийн их сургуулийн профессор Брайн Фрай хүн төрөлхтний үр хөврөл мутацид ордогтой адил амьтад ч мөн ховор тохиолдлоор хувьсан өөрчлөгдөх нь бий. Хэдийгээр анх удаа гурван нүдтэй могой харсан ч хоёр толгойтой могой лабораторид байдаг гэж профессор нэмж мэдэгдсэн байна.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.