Хачигт халдварын байгалийн голомтод тандалт, судалгаа явуулжээ
Нийслэлийн Зоонозын өвчин судлалын төвөөс Төв аймгийн Зоонозын өвчин судлалын төвтэй хамтран хачигт халдварын байгалийн голомт болон хүн амын тандалт судалгааг хийжээ.
Уг тандалтаар Төв аймгийн Мөнгөнморьт сумын Тэрэлж, Хар ямаат, Жаргалан, Таван салааны гүүр, Тэнүүний гол, Цагаан нуур зэрэг уулт хээрийн бүс нутгийг хамруулан, нийт зургаан цэгээс хачиг цуглуулан халдвартай эсэхийг тодорхойлох шинжилгээ хийж гүйцэтгэсэн байна. Түүнчлэн эрсдэлт бүлгийн 100 иргэнээс мэдлэг, хандлага, эрсдлийг үнэлэх зорилгоор асуумж судалгаа, мөн эрсдэлт бүлгийн 92 иргэнээс хачгаар дамжих халдварын шинжилгээний сорьц зэргийг авч ажиллажээ.
Мөн Мөнгөнморьт сумын дунд сургууль, сургуулийн дотуур байрны сурагчдад эрүүл мэндийн боловсрол олгох үүднээс хачгаар дамжих халдварын эрсдэл, хор нөлөө урьдчилан сэргийлэх арга хэмжээг хэрхэн авах талаар мэдээлэл өгч, сургалт зохион байгуулжээ.
Эх сурвалж: Нийслэлийн эрүүл мэндийн газар
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.