Япон: Тооройн кафе нээгджээ

Мууранд зориулсан муурын кафе гэж та сонсож байсан байх. Гэхдээ тооройд зориулсан тооройн кафе гэж сонсож байсан уу?

Мипиг нэртэй гахайн тооройд зориулсан кофе шоп Японы нийслэл Токио хотын Мегуро дүүрэгт нээгджээ. Уг кафен цайны аягаас авахуулаад бүх зүйл тооройн хэлбэртэй ба энд ирсэн үйлчлүүлэгчид бяцхан тооройнуудыг хооллох боломжтой аж.

Мөн нялх бяцхан тооройнуудыг насанд хүртэл нь тэжээх боломжийг эндэхийн эзэд үйлчлүүлэгчдэд олгодог байна. Кафен үүсгэн байгуулагчид уг төслөөс хоёр сая иен олно гэж төлөвлөж байсан ч хоёр дахин өсгөжээ.

Гахайн тооройг гэртээ тэжээх нь Америкт нийтлэг байдаг ч Японд төдийлөн түгээмэл биш. Алдарт загвар өмсөгч, өв залгамжлагч Парис Хилтон аливаа улаан хивсний ёслолд оролцохдоо тооройгоо авч очдог бол дуучин Ариана Гранд мөн тоорой тэжээдэг байна.

Япончуудын хувьд тэжээвэр амьтдаа гэр бүлийн гишүүний адил хайрлан өсгөдөг тул амьтдад зориулсан кафе, кофе шоп нээх нь нүдээ олсон бизнес гэнэ. Тооройноос гадна муур, нохой, шар шувуу, зараа гээд олон төрлийн амьтдад зориулсан кафе хэдий нь танил болжээ.

Эх сурвалж: www.cnn.com