Хуралдаан үргэлжилж байна

Нийслэлийн МАН-ын хорооны Бага хурал үргэлжилж байна. 

УИХ-ын гишүүн Б.Энх-Амгалангаас завсарлагын үеэр товч тодруулга авлаа. Харин хурал 16:50 минутад үргэлжлэв. Үдээс өмнөх хуралдааны сунжирсан тайланд төлөөлөгчид ундууцсан бололтой. “Бид тайлан сонсох гэж энд сонгогдоогүй. Хотын намын шинэ даргыг сонгох гэж ирсэн. Бусад гишүүд ч ийм байр суурь байна” хэмээн тэрээр хэлэв.

-Одоогоор нэг л нэр дэвшигч тодорхой байна гэлцэх юм. Заалнаас хэдэн хүн нэр дэвших вэ?

-Заалнаас хэдэн хүн нэр дэвшихийг мэдэхгүй. Нэрээ дэвшүүлье гэсэн сонирхолтой хүмүүс цөөнгүй байх шиг байна.

-Нийслэлийн намыг удирдаж байгаа хүмүүс цаашид ямар мөрийн хөтөлбөр дэвшүүлж, юуг өөрчлөөсэй гэж бага хурлын төлөөлөгчид хүлээж байгаа бол?

-Нийгмийн хүлээлт өөрөө шударга ёс, түүнчлэн хариуцлага сахилга бат, сонгуулиар амласан мөрийн хөтөлбөрийн биелэлт дээр онцгой анхаараасай гэж хүсч байгааг бага хурлын гишүүд хэлж байна.
-Гэтэл намын бага хурлын төлөөлөгчдийг шударга бусаар сонголоо гэдэг асуудал үүссэн. Энэ шүүмжлэлийг хурлыг зохион байгуулагчид хэр хүлээж авч байна?

-Мандат давхар олгосон, олгосон мандат дээр нэмж олголоо гэсэн асуудал үүссэн. Үүнийг мандатын комисс шийдээд дууслаа. Тиймээс одоо өөр асуудал хэлэлцэнэ. Намын даргаа бага хурлаасаа сонгоё гэсэн яриа ч гарч байсан. Намын хорооны гишүүдээс сонгоно гэж байгаа юм. Гишүүдээ яаж сонгох ёстой вэ гэдгээ ярих байх.