Найман жил сураггүй алга болсон хүү барьцаалагчдаас зугтаж иржээ
Тимоти Питзен хүү одоогоос бараг найман жилийн өмнө сураггүй алга болсон талаар АНУ-ын хэвлэл мэдээллийн хэрэгслээр дамжуулж байжээ. Сураггүй алга болсон хүү өнгөрсөн хугацаанд эсэн мэнд байсан төдийгүй барьцаалагчдын гарт байж байгаад зугтаж ирсэн гэдгээ цагдаа нарт мэдүүлсэн байна.
14 настай хүүг өнгөрсөн хугацаанд насанд хүрсэн хоёр хүн хорьж байсан гэжээ. Хүдэр чийрэг биетэй, цагаан арьст хоёр эрэгтэй хүүг хулгайлсан гэж мэдүүлсэн байна.
Тимоти алга болох үедээ зургаан настай байсан ба ээж Эми Фрай Питзен түүнийг сургуулиас нь авч амьтны хүрээлэн дагуулж явжээ. Мөн Висконсиний усан паркад тоглуулсныхаа дараа амиа егүүтгэсэн байсныг 2011 оны тавдугаар сарын 15-ны өдөр цагдаа нар олжээ.
Хүүгээ өөрийн найздаа үлдээхээр захисан зурвасыг цагдаа нар олсон ч хүүг олоогүй. Иллинойс, Висконсин, Айова мужийн цагдаа нар сураггүй болсон хүүг хайсан ч сэжүүр олдоогүй.
Ийнхүү бараг найман жилийн турш сураггүй болсон хүү эргэж ирсэн ч Тимоти Питзен мөн эсэх нь эргэлзээтэй байгаа ажээ. Учир нь хүү Рэд Рүф зочид буудалд байрлаж байгаа хоёр этгээдээс зугтаж ирсэн гэж ярьсан ч үүний дагуу шалгахад зочид буудалд тийм зүйл байгаагүй байна. Хүүгийн эмээ Элен Андерсон руу цагдаа нар утсаар ярьсан гэдгээс илүү дэлгэрэнгүй мэдээлэл өгөөгүй гэж эх сурвалж дурджээ.
Эх сурвалж: www.theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.