Өнөө жил манай улс "Эх дэлхийн цаг"-т нэгдсэнгүй
Жил бүрийн 3-р сарын 30-ны өдрийг дэлхий нийтээр “Эх дэлхийн цаг” хэмээн тэмдэглэн өнгөрүүлсэр 12 жилийн нүүрийг үзэж байна.
Анх Дэлхийн байгаль хамгаалах сан (WWF)-гаас уур амьсгалын өөрчлөлттэй тэмцэхэд хувь хүний ойлголтыг дээшлүүлж, оролцоог нэмэгдүүлэх зорилгоор “Эх дэлхийн цаг” хөтөлбөрийг 2007 оноос хойш хэрэгжүүлж эхэлсэн байдаг.
Энэ өдөр нэг цагийн турш дэлхийн бүх хүмүүс нэгэн зэрэг гэрлээ унтраахыг уриалдаг бөгөөд хүн бүр эрчим хүчний үйлдвэрлэлээс гарах хүлэмжийн хийн ялгарлыг бууруулахад хувь нэмэр оруулах боломжтой гэдгийг илэрхийлдэг.
Манай улс “Эх дэлхийн цаг” хөтөлбөрт нэгдээд багагүй хугацаа өнгөрч байгаа боловч өнөө жил нэгдэж чадсангүй. Учир нь ЭХЯ-аас санаачлан Сүхбаатарын талбайд нэгдсэн байдлаар арга хэмжээ зохиож, гэрлээ унтраахыг уриалах хүсэлт гаргасан ч Сүхбаатарын талбайд "Гэр хороолол" хөдөлгөөн суулт зарласан тул талбайн эргэн тойрны гэрэлтүүлэгийг унтраах үед аливаа үймээн самуун дэгдэхээс урьдчилан сэргийлэх үүднээс зөвшөөрөөгүй байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.