Элчин сайд Дэвид Воунсэнийг хүлээн авч уулзлаа
Батлан хамгаалахын сайд Н.Энхболд Австрали Улсаас Монгол Улсад суугаа Онц бөгөөд Бүрэн эрхт Элчин сайд Дэвид Воусэнийг үүрэгт ажилдаа томилогдсонтой холбогдуулан хүлээн авч уулзлаа. Тэд хоёр улс энхийг дэмжих, хамтарсан сургууль, цэргийн эмнэлэг зэрэг олон чиглэлээр хамтын ажиллагаагаа өргөжүүлэх тухай санал солилцсон юм.
Уулзалтын үеэр Элчин сайд Дэвид Воусэн хоёр улсын батлан хамгаалах, Зэвсэгт хүчний харилцааг хөгжүүлэхэд бүх талаас нь анхаарч ажиллана гэдгээ онцоллоо.
Харин Монгол Улсын Батлах хамгаалахын сайд Н.Энхболд Монгол Улсын Зэвсэгт хүчний агаарын цэргийн чадавхыг нэмэгдүүлэх чиглэлээр туршлага судлах сонирхлоо илэрхийллээ.
Манай улс 2014 оноос Австрали улсын Батлан хамгаалах яамтай хамтран ажиллах санамж бичиг байгуулж, яам хоорондын зөвлөлдөх уулзалтыг жил бүр амжилттай зохион байгуулж байгаа юм.
Санамж бичгийн хүрээнд манай цэргийн алба хаагчид Австрали улсын Команд штабын коллежид 2015 оноос хойш суралцаж байна. 2006 оноос хойш олон улсын энхийг дэмжих сургууль болон өргөжсөн “Хааны эрэлд” сургуульд Австрали улсын Зэвсэгт хүчнээс тогтмол оролцуулж, харилцан туршлага судалдаг юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.