БНСУ-ын 500 сая долларын зээлээр “Солонго-1,2” түрээсийн орон сууц баригдана
Бүгд Найрамдах Солонгос Улс/БНСУ/-ын Ерөнхий сайд Ли Наг Ёны айлчлал албн ёсоор эхэлж байна. Тэрээр өнөөдөр Монгол Улсын Ерөнхийлөгч Х.Баттулга, Улсын Их Хурлын дарга Г.Занданшатар нарт бараалхаж, Монгол Улсын Ерөнхий сайд У.Хүрэлсүхтэй албан ёсны хэлэлцээ хийнэ. Тэрээр мөн Монгол Улсад ажиллаж амьдарч байгаа солонгос иргэд, бизнесийн төлөөлөлтэй уулзахаар төлөвлөжээ.
Бүгд Найрамдах Солонгос Улсаас манай улсад 500 сая долларн хөнгөлөлттэй зээл олгож, “Солонго - 1,2” хороолол хөтөлбөрийг хэрэгжүүлэхээр төлөвлөсөн. Уг зээлээр 8400 айлын орон сууц бүхий хорооллыг Сонгино хайрхан дүүрэгт барих юм.
“Солонго-1,2” хороолол барих ажлыг Төрийн орон сууцны корпораци/ТОСК/ хариуцана. “Буянт-Ухаа-1,2” хороолол шиг хөнгөлөлттэй нөхцөлөөр болон түрээсийн орон сууц хэлбэрээр ашиглах юм байна. Энэ нь БНСУ-ын ерөнхий сайдын айлчлалаас өмнө шийдэгдсэн асуудал юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.