Агаарын бохирдлоос хамгаалах гоо сайхны бүтээгдэхүүн эрэлттэй байна

Арьсыг хамгийн их гэмтээж хөгшрүүлдэг  байгалийн хүчин зүйлд нар, салхи зүй ёсоор багтах ч хүн төрөлхтний буруутай үйл ажиллагаанаас үүдэлтэй агаарын бохирдол сүүлийн жилүүдэд хөгшрөлтийн гол шалтгаан болж байна. Дэлхийн алдартай гоо сайхны брэндүүд арьсыг агаарын бохирдлоос аврах, түүний эсрэг тэмцэх найрлагатай бүтээгдэхүүнд анхаарч эхэлжээ.

Лондонд төвтэй Liberty онлайн их дэлгүүрт өнгөрсөн жилээс хойш агаарын бохирдлоос хамгаалах арьс арчилгааны бүтээгдэхүүний эрэлт 75 хувиар өссөн байна. Тиймээс агаарын бохирдлын эсрэг бүтээгдэхүүн нарны тостой адил байнгын хэрэглээ болно гэж зарим мэргэжилтнүүд таамаглаж байгаа юм. Нэн ялангуяа Лондон, Бээжин, Дэли зэрэг агаарын бохирдол ихтэй хотуудад бүр ч эрэлт хэрэгцээтэй байна гэжээ.

Агаарын бохирдлоос арьсыг хамгаалах тос, хорт бодис цэвэрлэгч, бохирдлын эсрэг нүүрний маск хэрэглэгчдийн хамгийн их хайж байгаа бүтээгдэхүүнд багтаж байна. Nivea компани хотын бохирдлоос хамгаалах Urban Detox нүүрний гурван ширхэг маскийг 7 фунтээр, Kiehl’s компани мөн ийм төрлийн маскаа 34 фунтээр худалдаалсан нь борлуулалт сайн байгаа юм.

Агаарын бохирдлоос болж арьс гундах, өнгөө алдах, хэт эмзэгших, үрэвсэх, сэвх нөсөөтэй болох, нүхжих, хөгшрөх зэргээр гэмтдэг байна.

Эх сурвалж: www.theguardian.com