С.Баярцогт юунаас айсан бэ?

УИХ-ын гишүүн, Сангийн сайд С.Баярцогттой холбоотой Швейцарь дахь Оффшор дансны асуудал дахин дэгдлээ. УИХ-ын даргын Швейцарь улс дахь албан айлчлалын бүрэлдэхүүнд багтсан УИХ-ын гишүүн Т.Аюурсайхан энэ талаар өнгөрсөн баасан гаригт жиргэж мэдээлсэн. 

Үүний дараа хэргийн эзэн - С.Баярцогт хэвлэлийнхэнд "сэтгэлээ" нээснийг уншигч та бүхэн зарим хэвлэлээс харсан байх. "Оффшор дансны мэдээллийг хэн хүн аваад байж чаддаггүй" гэж итгэлтэй хэлэх нь "чаддаг юм бол бариарай" гэж хэлсэнтэй адил ойлгогдож байгаа. 

Харин энэхүү хэвлэлийн хурлын зараа нийтэд нь зарлалгүй, нэр цохож хэдхэн хэвлэлийг урьж, ярилцжээ. Ингээд ирсэн хэвлэлүүдэд тэрээр урьдчилж бэлтгэсэн зүйлсээ харуулж, "жүжиг" тоглосон нь хожим ил боллоо. 

С.Баярцогт юунаас айсан бэ? Хэл ам сугалах шахдаг сэтгүүлчдээс үү, эсвэл үнэнээс үү? 

Түүнийг ийнхүү "өөрсдийн" хэвлэлд ярилцлага өгөөд, Холливудын киноны Леоны дүрээр зүсээ буруулан гарч ирэхэд нь zarig.mn барьж "авчээ".

С.Баярцогт айдастай байна. Тэрээр өөртэй итгэлгүйгээр "жүжиглэж" байна. Үүнийг манай ард түмэн "Гэмт хүн гэлбэлзэнэ" гэдэг билээ.