ОХУ гадны 600 гаруй тагнуулын үйл ажиллагааг илрүүлж зогсоожээ
ОХУ-ын Ерөнхийлөгч Владимир Путин өнгөрсөн 2018 онд 600 гадны агент, тагнуулчийн ажлыг илрүүлж зогсоосон тухай мэдэгджээ.
Эдгээрийн 129 нь штабын офицер, 465 нь тусгай хүчний агентууд байжээ.
Оросын дотоод хэрэгт хөндлөнгөөс оролцохыг гадны орнууд завдсан гэж Ерөнхийлөгч хэлсэн байна.
Путин Холбооны аюулгүй байдлын газрын даргаар ажиллаж байсан бөгөөд өнгөрсөн жил амжилттай ажилласан сөрөг тагнуулын агентлагуудын тусгай ажиллагаанд баяр хүргэж, талархаж байгаагаа илэрхийлжээ.
Түүнчлэн ойрын жилүүдэд Оросын эдийн засаг, шинжлэх ухааны судалгаа, технологийн талаарх мэдээлэл цуглуулах эрмэлзэлтэй гадны тагнуулын үйл ажиллагаа идэвхжсэн байна.
Ерөнхийлөгч Путины үргэлжлүүлэн мэдэгдсэнээр гадныхан хуучин цаг үетэй адил дотоод улс төрийн үйл ажиллагаанд нөлөөлөхийг хичээж байгаа учир тагнуулын байгууллагууд хүчин чармайлт гарган ажиллах хэрэгтэй гэсэн юм.
Өнгөрсөн жил Оросын Холбооны аюулгүй байдлын газар Америкийн иргэн Пол Веланыг тагнуулч хэмээн сэжиглэж баривчилсан.
Америкийн Мичиганд амьдардаг иргэн олон төрлийн мэдээ материал хадгалж байсан нь илэрсэн ба Москвагийн Лефортовогийн хорих газарт хоригдож, батлан даалтад суллахаас татгалзсан юм.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.