Венесуэл улс Германы элчин сайдыг хөөлөө

Венесуэл улсын Засгийн газар ХБНГУ-ын элчин сайд Даниел Криенерийг эх нутгаасаа хөөж байгаагаа мэдэгдлээ.

Элчин сайд Каракасыг орхиход 48 цагийн хугацаа өгч, биелүүлээгүй тохиолдолд баривчлан саатуулахаар болов.

Германаас Венесуэлд сууж буй элчин сайд нь улсын дотоод хэрэгт хөндлөнгөөс оролцсон гэж Ерөнхийлөгч Николас Мадурогийн Засгийн газар үзжээ.

Элчин сайд Даниел Криенер сөрөг хүчний удирдагч Хуан Гуайдог Венесуэлд буцаж ирэхэд тусалсан дипломат төлөөлөгчдийн нэг юм.

ХБНГУ нь сөрөг хүчний удирдагчийг түр хугацаанд эрх барих төрийн тэргүүнээр хүлээн зөвшөөрсөн.

Тэрээр нисэх онгоцны буудал дээр сөрөг хүчний удирдагчийг бусад дипломатуудын хамт хүлээж авч уулзсан байна.

Венесуэлийн Засгийн газар хоёр жилийн дотор Америк, Бразили, Канад улсуудын элчин сайдуудыг эх орноосоо хөөн гаргаад байгаа юм.

Энэ хооронд АНУ Венесуэлийн Ерөнхийлөгч Николас Мадуротой холбоотой 77 хүний визийг цуцалжээ.

Америкийн дэд Ерөнхийлөгч Майк Пэнсийн мэдэгдсэнээр Засгийн газрын гишүүд тэдгээрийн гэр бүлийнхний визийг цуцалснаар Ерөнхийлөгч Мадурог огцрохыг шаардаж байгаагийн илэрхийлэл юм байна.

Эх сурвалж: www.bbc.com