ВИДЕО: Р.Дагва татгалзахын аргагүй ямар санал тавьж Ц.Байгалмаагийн нэрийг татуулсан бэ?
НИТХ-ын даргын сонгуульд МАН-ын Удирдах зөвлөлөөс бүлгийн дарга Р.Дагвын нэрийг дэвшүүлсэн бол, танхимаас Ц.Байгалмаа өөрийн нэрийг дэвшүүлэн өрсөлдсөн билээ. "Хоёр ба түүнээс дээш нэр дэвшигч дэвшсэн тохиолдолд санал хураалтыг нууцаар хураах" НИТХ-ын дэгтэй учир энэ асуудлыг хэлэлцэж байх үед Ц.Байгалмаа төлөөлөгч нэрээ татаж байгаагаа мэдэгдсэн нь НИТХ дахь АН-ын бүлгийн дарга Ц.Баатархүүгийн бухимдлыг төрүүлж, "Төлөөлөгчид өөрийн эрхгүй, намын эрхээр гишүүдээ далайлгаж байна" хэмээн мэдэгдэхэд хүргэсэн.
НИТХ-ын даргыг сонгох 22 дугаар хуралдааныг даргалагч "Хоёр нэр дэвшигч маань уулзсан байна. Үүнтэй холбогдуулж төлөөлөгч Ц.Байгалмаа үг хэлнэ" гэж зарласныг бодоход МАН-ын Удирдах зөвлөлөөс нэр дэвшсэн Р.Дагва, танхимаас нэр дэвшсэн Ц.Байгалмаад "татгалзахын аргагүй санал" тавьсан бололтой.
Ц.Байгалмаа төлөөлөгчийн яриагаар бол Р.Дагва ч бус хэд хэдэн хүн ирж "зөвлөсөн" ажээ. Ингээд та бүхэнд төлөөлөгч Ц.Байгалмаагийн яриаг бүрэн эхээр нь хүргэе.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.