2018 оны шилдэг утсаар “Huawei Mate 20 Pro”-г нэрлэлээ

“Mobile World Congress 2019” олон улсын үзэсгэлэнгийн шүүгчдийн дүгнэлтээр “Huawei Mate 20 Pro”ухаалаг гар утас 2018 оны шилдэг ухаалаг гар утсаар шалгарчээ. Үзэсгэлэн энэ сарын 25-28-нд Барселон хотод болж, технологийн мэргэжилтнүүд утасны аппликейшн, технологи болон төхөөрөмжийг 30 гаруй шалгуур үзүүлэлтээр үнэлэн дүгнэжээ. Шилдэг ухаалаг гар утасны төрөлд “iPhone XS Max”, “Google Pixel 3”, “OnePlus 6T”, “Samsung Galaxy Note 9” өрсөлдсөн байна. Өнгөрсөн онд энэ төрөлд “iPhone X” утас шалгарч байсан юм. “Huawei Mate 20 Pro” ухаалаг утас нь өмнө нь “Business Insider” сэтгүүлээс гаргасан жагсаалтын шилдэг хорьд багтаж байсан юм. Тус сэтгүүл нь Хятадын “OnePlus 6T” утсыг шилдэг утсаар нэрлэж байв.