Мөсний баяр болох хэсгийн мөсний зузааныг хэмжжээ
Хөвсгөл аймагт зохиогдох “Мөсний баяр” арга хэмжээг зохион байгуулах комиссоос энэ сарын 26-ны өдөр мөсний хөлдөлтийн байдалд хэмжилт хийлээ. Хэмжилтээр Сомо/Хүслийн/ хад орчимд 1.2 м, Монгол далай 1.3 м, баярыг зохион байгуулах Хүй толгой орчимд 1.3 м зузаантай байв. Өрх үүссэн болон мөс цөмөрч болзошгүй газруудад хаалт, дарцаг, тэмдэглэгээг байршуулах ажил өнөөдрөөс хийгдэж байгаа аж.
Аймгийн Мэргэжлийн хяналтын газраас тус баярыг зохион байгуулагчдад байгаль орчин, эрүүл ахуй, авто тээвэр, усан зам болон авто замын хяналтын чиглэлээр зөвлөмж хүргүүлээд байна.
“Могой” модыг олон иргэд зорин ирдэг болжээ. Тус мод нь могой хэлбэртэй бөгөөд эрт дээр үеэс лусын эзэн хүсэл биелүүлдэг “Хүслийн мод” хэмээн залбирч шүтэж иржээ
Цаг агаар дулаарч байгаатай холбогдуулан Мэргэжлийн хяналтын байгууллагаас иргэдийг автомашин болон явганаар гол, нуур, цөөрмийн мөсөн дээгүүр дур мэдэн зорчихгүй байх, баталгаат зам, гүүрээр зорчихыг зөвлөж байна.
Хөвсгөл аймгийн Хатгал тосгоны хажууд Жанхай явах замд байдаг “Могой” модыг олон иргэд зорин ирдэг болжээ. Тус мод нь могой хэлбэртэй бөгөөд эрт дээр үеэс лусын эзэн хүсэл биелүүлдэг “Хүслийн мод” хэмээн залбирч шүтэж иржээ. Тус мод нь Хатгал тосгоны хажууд байдаг учраас “Мөсний баяр”-ыг зорин ирж байгаа иргэд үзэх харах боломжтой ажээ.
Мөсний баярын хөтөлбөр
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.