Ким Жон Ун галт тэргээр Вьетнам улсыг зорилоо
Умард Солонгосын удирдагч Ким Жон Ун Америкийн Ерөнхийлөгч Дональд Трамптай уулзахаар Вьетнам улсыг зорилоо.
Ким Жон Ун Вьетнам руу хэрхэн аялах нь олон улсын ажиглагчдын сонирхлыг татаж байсан бол таамаглаж байсанчлан галт тэрэг хөлөглөн аян замдаа гарчээ.
Төрийн тэргүүнүүдийн хоёр дахь удаагийн дээд хэмжээний уулзалт ирэх долоо хоногийн лхагва, пүрэв гарагуудад Ханой хотод болох гэж байна.
Умард Солонгосын удирдагчтай хамт түүний дүү Ким Ё Жон, армийн генерал асан Ким Ён Чоль нар галт тэргээр зорчиж буй гэжээ.
Энэ удаагийн уулзалтаар Солонгосын хойгийг цөмийн зэвсэггүйжүүлэх үйл хэргийг бодит үйлдэл болгон хэрэгжүүлэх талаар чухал шийдвэр гарна гэж дэлхийн нийтээрээ харж байна.
Дональд Трамп, Ким Жон Ун нарын харилцаа урьд өмнөхөөсөө ч илүү дотно байгааг эх сурвалжууд онцолжээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.