Далай багшийн айлдварыг онлайнаар шууд хүргэнэ
XVII жарны “Урвуулагч” хэмээх шороон гахай жилийн хаврын тэргүүн сарын шинийн 14-ний Өндөр Гэгээний их дүйчэн өдөр Монголын Бурханы Шашинтны Төв Гандантэгчэнлин хийдийн Тэргүүн их хамба лам, СГЗ, гавж Д.Чойжамц сүсэгтэн олонд ном айлдсаныг манайх шууд дамжуулан хүргэсэн билээ.
Энэхүү айлдварын төсгөлд Дээрхийн гэгээнтэн XIV Далай багшийн монголын сүсэгтнүүдэд зориулан айлдах айлдварыг энэ сарын 28-нд Буянт-Ухаа цогцолборт онлайнаар шууд хүргэхээр болсон тухай мөн мэдээллээ. Энэ сарын 28-нд хаврын тэргүүн сарын шинийн 24-ний өлзий билигт өдөр тохиож байна.
Далай багш айлдвараа дэлхийн өнцөн булан бүрт буй сүсэгтнүүдэд зориулан онлайнаар түгээж байсан боловч, Монголд анх удаа айлдаж буйгаараа онцлогтой. Айлдварыг Энэтхэгийн Дарамсала хот дахь Далай багшийн номын өргөөнөөс шууд дамжуулна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.