Өдрийн мэдээний товч

2018 оны 09 сарын 13 өдөр

• ОХУ-ын Владивостокт болж буй Эдийн засгийн форумд оролцож өмнөд, хойд хоёр хөршийнхөө төрийн тэргүүнүүдтэй улс төрийн хэлэлцээр хийсэн Монгол улсын Ерөнхийлөгч Х.Баттулга эх орондоо ирлээ.
• Монгол Улсад Байнгын ажиллагаатай парламент байгуулагдсаны 28 жилийн ой өнөөдөр тохиож буйг тохиолдуулан УИХ-ын дарга М.Энхболд мэндчилгээ дэвшүүллээ.
• УИХ-ын дэд дарга Л.Энх-Амгалан Бүгд Найрамдах Индонез Улсын Бали хотноо зохиогдож буй Тогтвортой хөгжлийн асуудлаарх парламентын дэлхийн 2 дугаар чуулга уулзалтын үеэр болсон Гүйцэтгэх хорооны хуралд оролцлоо.
• Цалингаа 50 хувиар нэмэгдүүлэхийг шаардаж буй багш нарын ажил хаялт ес дэх хоногтоо үргэлжилж байна.
• Япон улсын Китакюшю хотноо үргэлжилж Парапауэрлифтингийн Азийн аварга шалгаруулах тэмцээний  -107 кг жинд МУГТ  Э.Содномпилжээ Азийн аварга болжээ.
• Монгол Улсын гавьяат жүжигчин, дуучин Н.Төмөрхуяг, МУГЖ Д.Хоролсүрэн, Монгол төрийн сүлдийг зурсан, МУГЗ, зураач Ц.Ойдов нар таалал төгсөж, урлагийн салбарт хүнд гарз тохиолоо.
• Баянзүрх дүүргийн Эрүүгийн хэргийн анхан шатны шүүхэд өчигдөр хаалттай болсон УИХ-ын гишүүн асан Д.Гантулгад холбогдох эрүүгийн хэргийг прокурорт буцаахаар шийдвэрлэсэн байна. 
• Фэйсбүүк дэх хуурамч хаягуудыг илрүүлэн ангилж, “жинхэнэ” хаягт цэнхэр өнгөтэй тэмдэглэгээ тавихаар болж буй талаар ЦЕГ, Харилцаа холбооны зохицуулах газраас мэдээлэл хийсэн зэрэг нь өнөөдрийн онцлох мэдээллүүд байлаа.