ШУУД: Боловсролын салбарын үйлчилгээнд ажилладаг ажилчдын цалинг нэг хувиар нэмж буйг эсэргүүцлээ
Монголын Үйлдвэрчний эвлэлийн холбооноос өнгөрсөн есдүгээр сард боловсролын салбарын ажилчдын цалинг нэмэгдүүлэх талаар жагсаал зохион байгуулсан. Үүний үр дүнд Боловсрол, шинжлэх ухааны салбарын ажилтнуудын цалин хөлсийг 2018-2019 онд нэмэгдүүлэх асуудлаар салбарын хэлэлцээрийг хийн 2018 оны аравдугаар сарын 1-нээс 7 орчим хувиар нэмэгдүүлсэн.
Гэтэл Засгийн газраас 2019 оны нэгдүгээр сарын 1-нээс төрийн албан хаагчдын цалинг 8 хувиар нэмэхээр болсон. Иймд боловсрол, шинжлэх ухааны салбарын туслах ажилчид цалин нь бас нэмэгдэх юм байна гэсэн хүлээлттэй байжээ. Гэвч цалин нь 1-1.5 хувь буюу 8000-9000 төгрөгөөр нэмэгдсэн байна.
Сургуулийн номын санч, нягтлан, цэвэрлэгч, жижүүр зэрэг төрийн үйлчилгээнд ажилдаг ажилчид оны өмнө болон оны дараах цалингийн нэмэгдэл нь 15 хувиар бодогдоно гэж тооцоолсон аж. Гэвч Засгийн газраас 1-1.5 хувиар нэмсэн байна. Иймд төрийн үйлчилгээний салбарт ажилдаг эдгээр ажилчид уг нэмэгдлийг эсэргүүцэж буйгаа илэрхийлсэн юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.