Тегеран хотод нохойтой алхаж болохгүй
Иран улсын нийслэл Тегеран хотод олон нийтийн газар тэжээвэр нохойгоо хөтлөн алхаж явахыг хоригложээ. Хэдийгээр шинэ дүрэм нохой эзэмшигчдийн эсэргүүцэлтэй тулгарч байгаа ч хотын прокурорын газраас баталсан байна.
Тегеран хотын цагдаагийн ахмад Хоссейн Рахимигийн хэлснээр “цэцэрлэгт хүрээлэн, гудамж талбай зэрэг олон нийтийн эзэмшил газарт тэжээвэр нохойгоо хөтлөн алхаж болохгүй. Учир нь энэ байдал оршин суугчдын тав тухыг алдагдуулж, айдас төрүүлж байна” гэсэн юм.
Олон нийтийн эзэмшлийн газраас гадна жолооны ард суухдаа нохой авч явахыг мөн хоригложээ. Хэрэв энэ дүрмийг зөрчвөл цагдаагийн байгууллагаас хатуу арга хэмжээ авна гэжээ. Иран улсад 1979 оноос хойш нийтийн эзэмшлийн гудамж талбайд нохой муур зэрэг бусад тэжээвэр амьтнаа ил авч явах нь маргаантай асуудал байсан юм.
Исламын шашинтай эрх баригчид нохойг бохир заваан гэж үздэг. Амьтан тэжээх нь барууны бодлогын бэлгэ тэмдэг гэх нь ч бий. 2010 онд олон нийтийн хэвлэл мэдээллийн хэрэгслээр тэжээвэр амьтад болон тэдэнтэй холбоотой бараа бүтээгдэхүүний сурталчилгааг Соёлын яамнаас хорьжээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.