200 орчим жил сураггүй алга болсон далайчны булш олджээ
Их Британийн нийслэл Лондон хотод HS2 галт тэрэгний буудал барих төслийн хүрээнд Ариун Жэймсийн цэцэрлэгт хүрээлэнд малтлага хийж байна. Малтлагын явцад 61,000 хүний шарилыг нүүлгэн шилжүүлэх ёстой. Тэдний дундаас далайчин ахмад Мэтью Флайндерсын шарилыг олсон байна.
Ахмад Флайндерс нь Австрали руу аялж байсан Их Британийн анхны далайчин бөгөөд тус улсын нэрийг өгөхөд байлцжээ. Шарил дээр ахмадыг 1814 оны долдугаар сарын 23-ны өдөр оршуулсан хэмээн бичсэн байна.
Тэрээр хэд хэдэн түүхэн аялал хийж байсны нэг нь анх удаа Австралийг зориод зогсохгүй эргийг бүтэн тойрч арал гэдгийг нь баталж байжээ. 1840-өөд оны үед Лондон хотод өргөтгөл хийх үеэр далайчин Флайндерсын шарил сураггүй алга болжээ.
Тун удахгүй HS2 галт тэрэгний буудал болох гэж байгаа Ариун Жэймсийн цэцэрлэгт далайчнаас өөр хэд хэдэн алдартай хүмүүсийг нутагшуулсан байдаг байна. Тухайлбал Нью-Йоркод төрсөн боол Билл Ричмонд буюу “Хар айдас” энд үүрд нойрсжээ. Тэрээр Лондонд эрх чөлөөгөө олж зургадугаар Жорж хааны дуртай боксчин болсон юм.
Мөн 1766 онд алдарт Кристийс дуудлага худалдааг санаачлан байгуулсан Жэймс Кристийсийн шарил энд бий. Дуудлага худалдаачин болохоосоо өмнө тэрээр Британийн тэнгисийн цэргийн офицер байжээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.