Дакар раллиг 60 автомашин орхилоо

Перуд болж буй авто спортын “Дакар ралли” уралдааны автомашины SxS буюу дөрвөн дугуйтын төрөлд 413 дугаартай оролцож буй “Dakar 2019-Team Mongolia” багийн тамирчид дөрөв дэх өдрөө марафон гараанд уралдаж, 351 км үргэлжилсэн замыг 7 цаг 3 минут 29 секундэд амжилттай дуусган 48-р байраар барианд орж ирсэн байна. Уралдаанд оролцож буй тамирчид биуакаас өглөө 05:45 цагт гарч бөөн гараанд гарсан. Бөөн гараа гэдэг нь ангилалгүйгээр уралдана гэсэн үг. 

 Бөөн гарааны зам ийм байжээ

Бөөн гарааны зам хүнд, бартаа саад ихтэй байсан тул 60 автомашин раллиг орхижээ. Манай тамирчид тухайн өдрийн дүнгээр 8 дугаар байрт, харин
4 өдрийн нийлбэр дүнгээр 7 дугаар байртдөрвөн өдрийн нийлбэр дүнгээр долоодугаарт байрт нийт автомашины ангилалдаа 52-т, UTV Open ангилалдаа 6 дугаарт эрэмбэлэгдэж байна. Харин тав дахь өдрийн гараанд тамирчид маань амжилтаа мөн ахиулсаар. 

ОУХМ Н.Лхамаа

Тав дахь өдрийн гараа

01 сарын 11-нд амралтын өдөр байсан тул бүх баг тамирчид амарчээ. Амарсан өдрөө монголын тамирчид монгол гэрт тухлан амарцгаасан. Дакар раллигийн биуак дотор ийн Монгол гэр сүндэрлэсэн нь олны сонирхлыг ихэд татсан гэнэ.

Харин  Ням гарагт мотоциклийн болон куад ангиллын тамирчид биуакаас гарсан. Зургадугаар гарааны эхний лиайсон 443км.

Мотоциклийн ангиллын зургаа дахь өдрийн гараа

Тиймээс энэ ангиллын тамирчдыг шөнө хол замд явуулахгүйн тулд Арэкипа мужаас эрт гаргасан аж. Бусад ангиллын тамирчид шөнө 03 цагт гараанаас гарч уралджээ.

Liaison- 443 km
SS-311 km
Liaison- 57 km
Total: 811km

Манай тамирчдын зургаа дахь өдрийн гараа   

Алдарт Андрей Каргинов Дакар раллигийн уралдаанаас хасагдав

Сонирхуулахад тав дахь гарааны уралдааны 279км-т зөвшөөрөгдөөгүй бүс (үзэгчдэд зориулсан бүсийн гадна) -эд нэвтэрсэн 60 настай үзэгч 518 дугаартай Андрей Каргиновын ачааны машинд дайруулж гуяны яс нь хугарсан байна. Гэмтсэн үзэгчид яаралтай түргэн тусламж үзүүлж Арэкипа мужийн эмнэлэгт хүргэжээ. Энэ осол үзэгчийн буруутай үйлдэлтэй холбоотой хэдий ч Андрей Каргинов тамирчны ёс зүйг зөрчиж бэртэж гэмтсэн үзэгчид зогсож, тусламж үзүүлээгүй гэдэг  шалтгаанаар Дакар раллигаас хасагдсан байна. А.Каргиновын хувьд тэргүүлэгчээс 16.45 секундын илүүгээр ангилалдаа гуравдугаар байрт бичигдэж байсан юм.

Андрей Каргиновын тамирчны ёс зүйг зөрчсөн уралдаан

Өчигдрийн  гараа цаг уурын нөхцөл байдлаас шалтгаалан сүүлчийн 130 км цуцлагджээ. Зохион байгуулагчид манан ихтэй байгаа тул ийм шийдвэр гаргасан байна. Манай тамирчид бариандаа орж үндсэн бааз руугаа иржээ. 

Дакар раллигийн эргэн тойронд болж буй үйл явдлыг сэтгүүлч Б.Онон ийн мэдээлж байна.

Дакар ралли 01 сарын 11

 Дакар раллигийн уралдаанд оролцож буй тамирчдын хоолны газар

Дакар раллигийн уралдаанд оролцож буй тамирчдын байрлаж буй газрын худалдаа үйлчилгээ