Залуу рэпперийг найман удаа буудаж хороожээ
Пуэрто Рикогийн рэппер дуучин Кэвин Фрэтийг буудаж амь насыг нь хороосон тухай мэдээлжээ. 24 настай рэппер ижил хүйстнээ сонирхогчдын нэг байсан нь амиа алдах гол шалтгаан болсон эсэхийг тодруулахаар мөрдөгчид ажиллаж байна.
Цагдаагийн газраас Кэвин Фрэт Пуэрто Рикогийн нийслэл Сан Хуан хотод амиа алдсан гэлээ. Түүнийг мотоциклтой явж байхад нь найман удаа буудаж амь насыг нь хороосон байна.
Он гарснаас хойш Пуэрто Рикод 22 хүн бусдын гарт амиа алдаад байгаа юм. Ойрын жилүүдэд Карибын тэнгисийн арлын оронд гудамжны гэмт хэрэг эрс нэмэгдээд байгааг албаныхан анхааруулжээ.
Рэппер, хөгжмийн зохиолч Фрэтийн менежер Эдуарда Родригуэз “тэр хөгжмийн төлөө төрсөн жинхэнэ уран бүтээлч байсан юм. Бид бүгд агуу мөрөөдлийнхөө төлөө тэмцэж байсан Фрэтийн үхэлд эмгэнэн гашуудаж байгаагаа үгээр иэлрхийлэх аргагүй. Энх тайван, амар амгалан Пуэрто Рикогийн төлөө эвлэлдэн нэгдэхийг уриалж байна” хэмээн мэдэгджээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.