Монголчуудад хариуцлагатай аялахыг уриалсаар байна

Гадаад харилцааны яам, АНУ-ын ЭСЯ-тай хамтран өнгөрсөн оны 10 дугаар сард албан ёсоор эхлүүлсэн "Хариуцлагатай аялацгаая" мэдээлэл сурталчилгааны аяны хоёрдугаар ээлж яг одоо ГХЯ-нд нээлтээ хийж байна.

Монгол иргэдийн гадаадад зорчих нөхцлийг хөнгөвчлөх зорилтын хүрээнд гадаад улсын виз мэдүүлэх, визний хугацаагаа хэтрүүлэхгүй хариуцлагатай аялахыг олон нийтэд уриалах үндсэн зорилготой энэ аянд монгол иргэд олноор суурьшдаг БНСУ-ын ЭСЯ нэгдсэн бөгөөд нээлтийн ажиллагаад Гадаад харилцааны яамны Төрийн нарийн бичгийн дарга Д.Даваасүрэн, БНСУ-ын Элчин сайд Жон Жэ Нам, АНУ-аас Монгол улсад суугаа Элчин сайдын хэргийг түр хамаарагч Манна Микаллер нар оролцож холбогдох асуудлаар яг одоо ГХЯ-ны “Номин” танхимд мэдээлэл хийж байна.