"Энэ жил би..."

Хүмүүсийн 45 хувь нь шинэ жилийн баярын өмнө өөртөө ямар нэг амлалт өгдөг ч тэдгээрийн ердөө найман хувь нь л санасандаа хүрдэг болохыг эрдэмтэд тооцон гаргажээ. Та баярын өмнө өөртөө хэдэн удаа амлалт өгч байсан бэ?

Тэр амлалтуудын чинь хэд нь биелсэн бэ? 
Хэрэв шинэ оны босгон дээр өөрсдөдөө өгдөг тэр бүх амлалтаа эргэн санавал тэнд “Шинэ ажил олох”, “Англи хэл сурах”, “Спортын клубт бүртгүүлэх”, “Өглөөгүүр гүйж эхлэх”, “Олон ном унших”,“Байрандаа засвар хийх”, “Үгүй гэж хэлж сурах” гэх зэргээр ар араасаа шил дарна.

Хэрхэн хайрлаж дурлах вэ, мөрөөдөө хэрхэн биелүүлэх вэ, хүүхдүүдтэйгээ цагийг хэрхэн үр дүнтэй өнгөрөөх вэ, ажлаа аж эмх цэгцтэй зохион байгуулж сурах вэ, эргэн тойрныхондоо яаж эерэг ханддаг болох вэ гээд бүх талын зөвлөгөө бидний гарт бэлэн байгаа юм шиг санагддаг. Үүнийг ердөө хийх л хэрэгтэй мэт.

Гэвч бид өөртөө зөвхөн амласаар.... Хоосон үгээр хоол хийж болдоггүй гэж үг бий. 
Тэгэхлээр энэ чөтгөрийн тойргоос хэрхэн гарах вэ? амьдралаа сайн сайхан болгож, зорьсондоо хүрч, бодсон санаснаа гүйцээх “амжилтын томьёог” хэрхэн олох вэ? асуултын хариу “Энэ жил би...” номд бий. Энэ бүтээл эерэг өөрчлөлтүүд тогтмол болж, мөрөөдлүүд бодит байдал болж хувирах тэр эргэлтийн цэгийг олох тухай ном билээ. 

М. Ж. Райан сэтгэл судлал, нейрофизиологи, философийн мэдлэгүүдийг нэгтгэн энэ асуудлын шийдлийг олжээ. Та хэзээ нэгэн цагт тааварлаж ядаж байсан тэр бүх мөрөөдлөө биелүүлэхэд түүний зөвлөгөөнүүд тусална. 

Энэ ном хэнд зориулагдсан бэ?

Дадал зуршлаа өөрчилж, өөртөө өгсөн амлалтуудаа биелүүлж эхлэхийг хүссэн хүн бүрт зориулагдсан юм шүү.