Арилжааны банкууд НӨАТ-ын буцаан олголтоос 10 хувийн шимтгэл авах тухай асуудал цахим хуудаст гарч байгаа билээ.  Тэгвэл энэ нь албан бус мэдээлэл бөгөөд НӨАТ-ын буцаан олголттой холбоотой ямар нэгэн хууль журамд өөрчлөлт орсон шийдвэр, тогтоол гараагүй гэдгийг Татварын Ерөнхий газраас мэдээлжээ. Өөрөөр хэлбэл, НӨАТ-ын буцаан олголт хэвийн явагдах бөгөөд  оны эхний улиралдаа багтаад иргэдийн дансанд орох юм байна.

Харин зарим банк иргэдийн НӨАТ-ын буцаан олголтын мөнгийг барьцаалан зээл олгож байгаа тохиолдол бий. Гэвч иргэдийн санааг чилээсэн асуудал гарч байгаа учраас Сангийн сайдын тушаалаар зогсоохоор болжээ.

Мөн иргэдийг төөрөлдүүлж, НӨАТ-ын бүртгэлийн хуудсыг нь хакердах, залилах гэмт хэргүүд гарч буй учир сонор сэрэмжтэй байхыг анхааруулжээ.

---