“Автотээврийн үндэсний төв” ТӨҮГ-аас Дорнод аймгийн Хэрлэн сумаас Дорноговь аймгийн Замын-Үүд сум хүртэл нийтийн зорчигч тээвэрлэх албан ёсны шугамыг нээлээ. Энэхүү зорчигч тээврийн шугам нээгдсэнээр хулгайн тээвэрлэлт үгүй болж иргэд маань аюулгүй, найдвартай автобусаар баталгаат замаар зорчиж зорьсон газартаа хүрэх боломж бүрдэж байна.

Урьд нь Дорнод аймгаас Замын-Үүдийг зорих зорчигчид Улаанбаатар хотоор дамждаг байсан бол өнөөдрөөс эхлэн  Чойбалсан – Замын үүд чиглэлд нийт 800 гаруй км-ын замын маршруттай албан ёсны баталгаат замтай болж “Дорнын тэнхлэг”ХХК-ийн том оврын автобусаар үйлчилж эхэлж байгаа юм.

ЗОРЧИХ ХУВААРЬ:

Дорнод аймгийн авто тээврийн төвөөс Дорнод – Замын-Үүд чиглэлд 15:00 цагаас даваа, пүрэв гараг бүр
Замын-Үүд-Дорнод чиглэлд 19:00 цагаас даваа, лхагва гараг бүр автобус хөдлөх юм байна.
Зорчих тасалбарын үнэ:

Том хүн 51,500 төгрөг
Хүүхэд 26,000 төгрөг./0-8 хүртэл нас үнэгүй/
Зорчих тасалбарыг онлайнаар болон аймгийн авто тээврийн төвийн буудал дахь билетийн кассаар тус тус худалдана. Тасалбараа урьдчилаад 30 хоногийн өмнө ч бичүүлэх боломжтой юм байна.

---