Ким Жон Ун Өмнөд Солонгосын Ерөнхийлөгчид найрсаг захидал илгээв
Улиран одож буй 2018 он Солонгосын хойгийг цөмийн зэвсэггүйжүүлэх, энх тайван оршин тогтноход маш чухал алхмуудыг хийсэн үр бүтээлтэй жил байлаа. Хагас зууны турш дайсагнасаар ирсэн Умард Солонгос, АНУ-уудын төрийн тэргүүнүүд анх удаа нүүр тулан уулзаад зогсохгүй ах дүү Солонгосууд хамтын ажиллагаагаа эргэн сэргээх хэд хэдэн томоохон шийдвэрийг гаргасан.
/arc-anglerfish-arc2-prod-mco.s3.amazonaws.com/public/3U73UM2ZX5ADLD742Z7RIXXVEM.jpg)
Шинэ оны босгон дээр Умард Солонгосын удирдагч Ким Жон Ун Өмнөд Солонгосын Ерөнхийлөгч Мүн Жэ Инд төдийлөн илгээгээд байдаггүй ховор захидлаа илгээжээ. Захидалд Ким удирдагч 2018 онд багтаж Сөүлд айлчилна гэсэн амлалтаа зөрчсөндөө хүлцэл өчсөн байна. Ирж буй 2019 онд заавал амлалтаа биелүүлж Сөүлд айлчилж дөрөв дэхээ Мүн Жэ Ин Ерөнхийлөгчтэй уулзахаа амлажээ. Өнгөрч буй онд удирдагчид гурван ч удаа уулзсан юм.
Түүнчлэн залуу Ким Солонгосын хойгийг цөмийн зэвсэггүйжүүлэх, цэцэглэн хөгжүүлэхэд хамтран зүтгэхийг уриалжээ. Мүн Жэ Ин шинэ оны босгон дээр найрсаг захидал хүлээж авсандаа маш их баярласнаа илэрхийлсэн байна. Ах дүү Солонгосууд хамтдаа тэмцвэл 2019 он шинэ үе, өөрчлөлт, хөгжин цэцэглэлтийг авчирсан дахин нэг гайхалтай жил байх болно гэжээ.
Эх сурвалж: www.bbc.com, www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.