Бангладешийн Ерөнхий сайд гурав дахиа улиран сонгогдлоо
Өнгөрсөн амралтын өдөр Бангладеш улсад Парламентын сонгууль болж өнгөрлөө. Өнөөдөр өглөө сонгуулийн хорооны мэдээлснээр Ерөнхий сайд Шейх Хасинагийн эрх баригч нам олонхийн санал авчээ.
Эрх баригч Авами Лиг нам Парламентын 350 суудлын 281-ийг нь авч чадсанаар Ерөнхий сайд Шейх Хасина гурав дахиа улиран сонгогдов. Гэсэн ч сөрөг хүчний нам эвслүүд сонгуулийн дүнтэй санал нийлэхгүй байгаагаа илэрхийлжээ.
Санал хураалтын үеэр эрх баригч нам болон сөрөг хүчний намын дэмжигчид хоорондоо мөргөлдөж, эмх замбараагүй байдал үүсгэснээр 17 хүн амиа алдсан байна.
Сонгуулийн санал хураалт дуусахын өмнөхөн сөрөг хүчнээс өрсөлдсөн 47 нэр дэвшигч нэрээ татсан. Тиймээс энэ удаагийн сонгуулийн дүн шударга бус болсон гэж үзжээ. Зарим иргэдийн ярьснаар саналаа өгөх гэж очиход аль хэдий нь тэдний санал бүртгэгдсэн байсан гэжээ.
Ерөнхий сайдын Авами Лиг нам 2009 оноос хойш Бангладеш эрх баригчийн үүрэг гүйцэтгэсээр байна.
160 сая хүн амын ихэнх нь Исламын шашинтнууд эзэлдэг Бангладеш улсад ядуурал, авилга хээл хахууль газар авсан. Мьянмар улсаас дүрвэсэн Рохинжа Исламчууд хөрш Бангладеш улсад ирэх болсноор тус улс олон улсын анхааралд илүүтэй өртөж болжээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.